Përshtypje dhe ndjesi letrare

[daniel00]

ndergjegjia eshte dicka aq e paster saqe duhet ruajtur me kujdes nga testet e jetes
e paster e bardhe perfekte .. nese e arrin kte ke arritur iluminimin

Pak gjëra të shtrenjta kemi, të paktën ato pak, le të jenë të shenjta!

 

[Mia]

Komplimente për temën
Kjo temë meriton të jetë përherë në faqe të parë

 

[daniel00]

Komplimente për temën
Kjo temë meriton të jetë përherë në faqe të parë

Falemnderit! Je e mirëpritur të marrësh pjesë edhe ti!

 

[Mia]

Falemnderit! Je e mirëpritur të marrësh pjesë edhe ti!

Faleminderit patjetër që do marr pjesë edhe unë

 

[daniel00]

“Një ditë, duke kaluar para një sheshi, pashë një burrë që qëndronte dhe po fliste me gjallëri me njerëzit përreth tij.
Fliste
për fëmijët e uritur që vdesin urie
për padrejtësitë,
për vrasjet,
për korrupsionin,
për papunesinë...
Papritur më pa,
Më njohu
dhe mërmëriti:
“Ah, ja ku është i krishteri!
Hajde pak këtu!"
U afrova,
Ai që fliste m'u drejtua me këto fjalë:
“Dëgjo o i krishterë!
Nëse Zoti ekziston,
gjë për të cilën nuk jam i sigurt, por mund të jetë e vërtetë,
atëherë do të doja, pas vdekjes sime, t'i paraqitem Atij dhe t'i them
.. - Pse i lejuat burrat të vdisnin në mënyrë torturuese në fusha beteje?
.. - Pse fëmijët vdesin nga uria ndërsa të tjerët shpërdorojnë duke pasur shumë?
.. - Pse lejuat që shumë njerëz të vdisnin nga kanceri?
Pse? Pse?!
O zot ik!
Ik prej meje!
Tutje!
Kështu thërriste ai njeri;
Atëherë fillova edhe unë të bërtas:
- Ke të drejtë!
Të ikë ky zot! Të zhduket ky zot!
...Papritmas ai u qetësua, në fytyrën e tij u shfaq një shprehje habie teksa thoshte:
"Prit pak!
Nëse je besimtar, nuk mund ta thuash këtë!"
Unë iu përgjigja:
- Dëgjo! Ky zot, perpara te cilit ti paraqitesh dhe thua fjalë të tilla, ky zot që të lë ta vësh ne dyshim dhe që shahet nga ti, ky zot ekziston vetëm në imagjinatën tënde!
Atij mund t'i them:
“Të ikë ky zot që njerëzit kanë krijuar sot për veten e tyre, që mund ta akuzojmë, ta injorojmë ose ta shfrytëzojmë sipas nevojës.
Por një zot i tillë nuk ekziston!
Dua të të them ama se ekziston një Zot tjetër,
Zoti i vërtetë!
... Para Tij do të dalësh për gjykim dhe nuk do të mund ta hapësh as gojën sepse Ai do të të pyesë:
.. - Pse nuk më respektove?
.. - Pse nuk më thirre?
.. - Sepse ke jetuar në gjëra të papastra,
ke gënjyer,
ke urryer,
je zënë
ke marrë çfarë nuk të takon...
Pse!?
...Nuk do të dish të përgjigjesh...
Vetëm një zot imagjinar do ta lejonte veten të akuzohej...
Nga ne!
Por i vetmi Zot i vërtetë,
Zoti i universit,
Zoti i Shenjtë është i Drejtë...
Është Ai që do të na akuzojë ne...
Nëse nuk kthehemi tek Ai të penduar...
Dhe nëse nuk e korigjojmë veten...
Sikur ta kuptonim se Zoti na do shumë...
Nëse do ta kuptonim atë kryq se çfarë do të thotë edhe sot...
Ne nuk do ta akuzonim Zotin,
Do të kishim vetëm arsye për ta falënderuar...
Shumë!"

To view this content we will need your consent to set third party cookies.
For more detailed information, see our cookies page.

Prano cookie-t e palëve të treta

Zbulesa 4: 1-6

Pastaj pashë një derë të hapur në qiell dhe zëri, që kisha dëgjuar më parë të më fliste si trumbetë, më tha: «Ngjitu këtu lart! Do të të tregoj ato që duhet të ndodhin më pas».
U rrëmbeva menjëherë nga Shpirti. Atje në qiell ndodhej një fron dhe mbi fron rrinte ulur dikush
që i ngjante nga pamja një guri diaspri e sardi. Fronin e rrethonte një ylber që ngjante nga pamja me gur smeraldi.
Rreth e qark fronit kishte njëzet e katër frone. Mbi këto frone rrinin ulur njëzet e katër pleq veshur me të bardha e me kurora të arta në kokë.
Nga froni dilnin vetëtima, zëra e bubullima. Para tij digjeshin shtatë shandanë të ndezur që janë shtatë shpirtërat e Perëndisë.
Para fronit ishte diçka si det i qelqtë që ngjante si kristal.

 

[daniel00]

Zotit i pëlqen që të pëmbajë të madhen tek e vogla:
Universin tek atomi, pemën tek fara, njeriun tek embrioni, fluturën tek krimbi, përjetësinë tek çasti, dashurinë në një zemër dhe ... VETEN e tij tek ne...

 

[daniel00]

Kam kuptuar që njerëzve duhet t'u lësh lirinë që të bëjnë atë që duan,
sido që të jetë, kush do të qëndrojë, qëndron,
kush do të të respektojë, të respekton,
kush të do në jetën e vet, të mban afër,
e kush do që të ikë, ikën

 

[daniel00]

Duhet hequr dorë nga zakoni i keq që të biesh dakort me të gjithë.
Gjërat e mëdha, të mëdhenjve; abiset për njerëzit e thellë; finesat për njerëzit me shije të hollë
dhe gjërat e rralla për njerëzit e rrallë.

 

[daniel00]

Nuk mbahen mend ditët, por të paharruara mbeten çastet...

 

[daniel00]

Nga gjërat e vogla, që gjithësesi nuk janë kurrë të vogla, kuptohen ato që janë të mëdha.
Gjestet e vogla, përkujdesjet e thjeshta, shpesh vlejnë më shumë se një mijë fjalë.

 

[daniel00]

Çdokush jep atë që ka në zemër dhe çdokush merr me zemrën që ka.

 

[daniel00]

Ndjenja e dashurisë për dikë nuk blihet,
nuk shitet, nuk imponohet,
e as nuk mund të shmanget. Dashuria ndodh.

 

[daniel00]

Bibla - Romakëve 12

Mos ia ktheni askujt të keqen me të keqe, kërkoni të bëni të mirën përpara gjithë njerëzve.
Po të jetë e mundur dhe aq sa varet prej jush, jetoni në paqe me gjithë njerëzit.
Mos u mund nga e keqja, por munde të keqen me të mirën.

 

[daniel00]

Sinqeriteti nuk është një veshje e rehatshme, është një veshje e pastër.

 

[daniel00]

Kur nuk arrin ta shprehësh lutjen me fjalë, Zoti dëgjon zemrën tënde.

 

[daniel00]

Aty ku mbretëron urtësia, nuk ka asnjë konflikt midis mendimeve dhe ndjenjave.

 

[daniel00]

Dashuria jeton më shumë me atë çfarë jep sesa me atë që merr.

 

[daniel00]

Diphylleia grayi


Është një lule e jashtëzakonshme me petale të bardha, që kthehen në të tejdukshme në kontakt me ujin.
Gati i ngjan një gruaje që kur lotët i thahen, merr ngjyrën që kishte.

 

[daniel00]

Bibla - Jakobit 3

Dituria që vjen nga lart, është mbi të gjitha e pastër, pastaj pajtuese, e butë, e bindur, plot mëshirë dhe fryte të mira, e paanshme dhe jo hipokrite.

 

[daniel00]

Më e rëndësishme nuk është të mbetesh gjallë,
por të mbetesh njerëzor.

G. Orwell