Receta Sallatash.

[Lina]

Sallatë me Panxhar​

Përbërësit​

450 gr panxhar i grirë
2 lugë gjelle uthull
1 lugë gjelle vaj ulliri
1 lugë gjelle majdanoz i grirë
1 thelbi hudhër e grirë
2 lugë çaji mustardë
Kripë
Piper i zi

Përgatitja​

Për të nisur me përgatitjen e kësaj recete nga AgroWeb.org qëroni panxharin dhe grijeni në fije të holla në një rende.
Vendoseni në një enë dhe aty shtoni uthullën bashkë me vajin e ullirit, hudhrën e grirë, mustardën, kripën dhe piperin e zi.
Të gjithë këta përbërës përziejini mirë dhe sallata juaj është gati.
Shërbejeni me sallatë jeshile, mish apo gatime të tjera./AgroWeb.org

 

[Kresha]

Sallatë proteinash: Racioni i preferuar i Rihannës nuk kushton shumë, ndërkaq është shumë i ushqyeshëm​

Këngëtarja amerikane, Rihanna, ka zbuluar recetën për racionin e saj të preferuar

Fjala është për sallatë proteinash, e cila ju mbron në afat të gjatë dhe furnizon organizmin tuaj me përbërës ushqyes.


Ylli i Barbadosit, Rihanna, ka treguar që përbërësi kryesor i sallatës së saj janë qiqrat (leblebitë) – të cilat janë burim i shkëlqyeshëm i proteinave, albuminave dhe fibrave bimorë, transmeton Telegrafi.

Përbërësit e nevojshëm (për një person):

– 100 g qiqra të ziera,
– ½ kastraveci të vogël,
– ½ domateje të vogël,
– 2 feta qepë,
– kripë dhe piper sipas dëshirës,
– 1 lugë vaj ulliri,
– fletë borziloku për dekorim.

Udhëzim:

1. Para zierjes qiqrat qitni në ujë, në mënyrë që të bymehen – më mirë është t’i qitni në ujë gjatë natës.


2. Grini qepën, kastravecin dhe domaten dhe në një enë përzieni këto perime me qiqrat.

3. Përbërësit përzieni mirë, shtoni kripën, piperin dhe vajin e ullirit.

Ju bëftë mirë. /Telegrafi/