Vetmija si superfuqi?

[Mignonne]

A mund te jete vetmia koha ideale per te njohur veten dhe per te ndjekur endrrat? Apo eshte thjeshte nje boshllek??

 

[Mia]

Vetmia mund të jetë një mundësi shumë e fuqishme për të njohur veten dhe për të reflektuar mbi qëllimet dhe ëndrrat. Pa ndikime të jashtme, mund të arrijmë një nivel më të thellë vetëdijeje dhe të kuptojmë më mirë se çfarë dëshirojmë nga jeta. Kjo mund të jetë koha ideale për të eksploruar pasionet dhe për të zhvilluar ato aspekte të vetes që mund të kenë mbetur të fshehura për një kohë të gjatë. Por ndonjëherë vetmia mund të ndjehet si një boshllëk, kur ajo kthehet në një periudhë izolimi ose ndihmon në forcimin e pasigurisë dhe dyshimeve. Varet nga mënyra se si e shfrytëzojmë, nëse e përdorim vetminë për të reflektuar dhe për të krijuar, mund të kthehet në një periudhë shumë produktive dhe të pasur personalisht

 

[daniel00]

Vetmia jep një hapësirë të paanë, të cilën mund ta mbushësh si një faqe të bardhë me një skicë tek e cila ravijëzon ëndrrat dhe dëshirat që i premton vetes se do i përmbushesh në rastin më të parë.
Dëshirat ndjekin njëra tjetër me naivitetin dhe pastërtinë e tyre, shtyjnë njëra tjetrën me vërtik.
Herë me thyerje e herë me kapërcime e herë të tjera të mbajnë pezull frymën në pritje të një reagimi.
Dashuria shkruhet brenda shpirtit me një gdhendje e një daltosje që i nxjerr në pah kthjelltësinë dhe i largon papastërtitë.
Profili i saj kërkon idealen dhe të drejton në vende të panjohura në gjëra të pamundura të cilat përmbushen vetëm duke u dhënë katërcipërisht.
Prish ekuilibrat dhe gjithçka konvencionale që dije e mbivendoset me rëndësinë e saj jetike. Imazhi i saj thotë shumë, për veten, për mua, për botën dhe i peshon fjalët në mënyrën e saj origjinale për të cilën nuk i detyrohet shpjegime askujt.