Specialitet italian: Lazanje me kungullesha dhe djathë
Specialitet vërtet i shijshëm me kungullesha dhe tri lloje djathërash. Lazanja, të cilën të gjithë e preferojnë, shndërrohet në diçka të re, shije e këndshme!
Përbërësit:
– 600 g kungullesha
– 50 g gjalpë
– 1 lugë e vogël erëza,
– Piper i bardhë,
– 12 fletë lazanje
– Kripë,
– 100 g gorgonzolë,
– 50 g mocarellë,
– 15 g parmezan.
Për salcë beshameli:
– 50 g gjalpë,
– 50 g miell gruri të bluar egër,
– 1 l qumësht
– 1 lugë e vogël piper të bardhë,
– Kripë.
Përgatitja:
Kungulleshat lani dhe grini për së gjati në feta të holla. Skuqni në gjalpë, hidhni erëza dhe hiqeni nga zjarri.
Lazanjat zieni në ujë me kripë (2-3 minuta), në të cilën keni hedhur disa pika vaj që fletët të mos ngjiten, apo përdorni lazanje që nuk zihen.
Për salcë beshameli, në gjalpë ngadalë skuqni miellin. Gradualisht hidhni qumësht të ngrohtë duke e përzier vazhdimisht derisa të përftoni përbërje të dendur të lëmuar. Shtoni erëzat, hidhni piper dhe sipas nevojës hidhni kripë.
Në fund të enës rezistuese ndaj zjarrit (30 x 19 cm) hidhni pak beshamel, radhisni një radhë lazanje, mbi to shpërndajini beshamelin, kungulleshat, mocarellën e grirë në rende apo gorgonzolen e grirë.
Në to vini fletët e lazanjës dhe përsëriteni procedurën, ashtu që në fletën e fundit të lazanjes hidhni beshamelin, djathin e grirë në rende dhe parmezanin.
Piqni rreth 25 minuta në furrë të ngrohur në 220 gradë Celsius.
Telegrafi.
Editimi i fundit:
