Shpirti binjak

[daniel00]

Shpirti yt binjak është një njeri i ngjashëm me ty, është në harmoni si mbështetje dhe ndihmë, marrëdhënia me të bëhet e sigurtë, e qetë me kalimin e kohës megjithëse nis plot trazira e përplasje.

Lidhja me shpirtin binjak është e thellë dhe në të njëjtën kohë shumë e drejtpërdrejtë.

Është një ndihmëse në fatkeqësi, një mike e sinqertë, një pikë referimi e fortë dhe e vazhdueshme me kalimin e kohës.

Është pas.qyra më e saktë për ty, sepse pasqyron të gjitha dhimbjet, plagët dhe vuajtjet e tua pasi të çon në limitet e tua dhe të nxit t'i kapërcesh.

Në fillim është një marrëdhënie dashurie/urrejtjeje, një luftë e vazhdueshme për të thyer egon, krenarinë dhe mbrojtjen e frikërat e secilit.

Ndonëse vendoseni në simbiozë, në fillim afërsia është shumë e vështirë: është një tërheqje dhe refuzim i vazhdueshëm, derisa ti të arrish të krijosh besim të palëkundur tek ajo.

Ajo të çon në vuajtjen më të thellë, pikërisht për ta parë atë, për ta vlerësuar, për ta ndihmuar të shërohet dhe për t'i dhënë krahë.

Sigurisht ti vendos ta njohësh atë me anë të përkushtimit, sinqeritetit, zemërbutësisë, dorëzimit, ndërgjegjësimit duke i kushtuar gjithë kohën që duhet.

Të dy zgjidhni të gjeni njëri-tjetrin, jo sepse është më e lehtë, përkundrazi, më e vështirë dhe rraskapitëse por në fund ajo që keni ndërtuar me mundim, vlen mbi gjithçka.

Kur takohesh me të fillon të pastrosh botën tënde të brendshme, për të shkatërruar të gjitha aspektet e këqija të krijuara, egon, hipokrizinë dhe mohimin e realitetit.

Duke dashur atë, mëson të duash më shumë veten, mëson të luftosh dobësitë e tua, bëhesh i vetëdijshëm përmes marrëdhënies me të, me anë të këshillave të saj.

Ajo punon shumë në vetëvlerësimin tënd, të shtyn të ndërtosh veten me themelet tek çfarë pret nga ty, nuk mund të refuzosh, as të kursesh çdo lloj mundi e as ta braktisësh punën sepse ti e di në zemrën tënde që ajo ka të drejtë dhe ndihesh në faj për dobësitë e tua.

Më pas duke qenë bashkë, bëheni të dy të vetëdijshëm se jeni për njëri tjetrin, respektoheni në mënyrë të ndërsjelltë dhe sublimoni ndienjat në dashuri të pakushtëzuar.

Ajo bëhet një pjesë e jotja që të tërheq në të gjitha mënyrat e mundshme.

Të dy e ndjeni edhe fizikisht dhimbjen ashtu si edhe gëzimin e gjysmës tjetër, pasi e ndjen emocionalisht, mendërisht.

 

[Thea]

Me çfarë është e zëvendësuar fjala netedy.com se kam hasur disa postime?

 

[daniel00]

Me çfarë është e zëvendësuar fjala netedy.com se kam hasur disa postime?

Pas.qyrë e editova, sepse ka një lloj censure për këtë fjalë, dyshoj se duhet të jetë ndonjë website tjetër dhe merret si reklamë.

 

[Thea]

Pas.qyrë e editova, sepse ka një lloj censure për këtë fjalë, dyshoj se duhet të jetë ndonjë website tjetër dhe merret si reklamë.

Thank you

 

[daniel00]

Shpirti binjak nuk do të lodhet kurrë me ty. Nuk do të dorëzohet kur ditët të jenë të vështira dhe as ti nuk do të dorëzohesh. Pavarësisht se sa sfida na sjell jeta, ne do të jemi gjithmonë ne të dy.

Ndonjëherë, rruga do të jetë e lehtë, me të qeshura pa mundim dhe ditë të mbushura me dritë. Herë të tjera, do të ketë hije, heshtje të pakëndshme dhe pengesa që na vënë në provë. Por edhe në ato momente, e di se do të gjejmë mënyrën për të rezistuar.

Sepse ajo që do të kishim nuk do të ishte e ndërtuar mbi përsosmërinë, por mbi vazhdimësinë për të zgjedhur njëri-tjetrin, edhe kur gjërat nuk janë ideale. Jemi mirëkuptues, jemi të fortë dhe mbi të gjitha jemi dashuri: një dashuri që nuk thërmohet në stuhi, por mëson të qëndrojë edhe në shi.

Pra, pavarësisht se çfarë ndodh, pavarësisht se si bota do të përpiqet të na ndryshojë ose të na largojë nga njëri-tjetri, unë do të jem gjithmonë duke besuar tek ne të dy. Sepse do të jemi gjithmonë unë dhe ti, sot dhe nesër.

 

[Thea]

Dikur besohej se shpirti i njeriut ishte i ndarë në dy pjesë dhe se, në këtë jetë secili kërkon gjysmën e tij të humbur: shpirtin binjak. Nuk është thjesht një histori dashurie, por një ndjenjë e thellë e njohjes, një ndriçim i brendshëm që ndodh kur dy njerëz takohen dhe ndihen sikur janë njohur përjetësisht.Shpirti binjak nuk është thjesht dikush që na do, por ai që na kupton pa fjalë, që ndan dhimbjet dhe gëzimet tona sikur të ishin të tijat. Nuk është gjithmonë një takim i lehtë, sepse shpesh këto shpirtra kalojnë sprova të vështira për të gjetur rrugën drejt njëri-tjetrit. Por kur bashkohen, krijojnë një lidhje që nuk thyhet nga koha, largësia apo sprovat e jetës.Gjetja e shpirtit binjak nuk është çështje fati, por një udhëtim i gjatë i vetëzbulimit. Vetëm kur jemi të plotë me veten, mund të njohim atë që na plotëson vërtet

 

[Kresha]

Kur ti ke prane njeriun qe ke zgjedhur, nuk beni asgje, as nuk flisni, as nuk shiqoheni, thjesht rrini ne nje dhome, por ndiheni te qete me prezencen e njeri-tjetrit, ndiheni te plotesuar, ky eshte shpirti binjak.

 

[Alizz]

Shpirti binjak është drita që ndriçon edhe pjesët më të errëta të qenies tënde. Është ajo ndjesia e çuditshme, sikur e ke njohur gjithë jetën, edhe nëse sapo jeni takuar. Është dikush që jo vetëm të pranon për atë që je, por të sfidon të bëhesh versioni yt më i mirë. Shpirti binjak është si një premtim i pashprehur mes dy zemrave që kanë kaluar çdo pengesë për t’u gjetur dhe për të qëndruar bashkë. Ai nuk është vetëm dashuri, por është shtëpi.