- Regjistruar më
- Nëntor 29, 2020
- Mesazhe
- 1,063
- Pëlqime
- 791
Pema e Jetës, tregon historinë e Kostas, një kuzhinier grek i cili humbet në oqean pasi anija e tij fundoset. I ndihmuar nga një pulëbardhë, ai gjen një pemë të mbjellë në oqean, në mes të askundit. Ai ngjitet në pemë dhe gjen një zgaver në trungun e pemës. Kosta e bën këtë zgaver shtëpinë e tij të përkohshme. Për të mbijetuar, ai fillon të peshkojë dhe të mbledhë ujërat e shiut. Nje pjesë të peshkut ja jep pulëbardhës, e cila bëhet miku i tij i vetëm. Pulëbardha bën folenë në pemë, bën vezë dhe pas pak lindin pulëbardha të vogla. Kosta i ushqen dhe i quan familjen e tij të re. Gjatë gjithë kohës Kosta kujton fëmijërinë e tij dhe jetën e tij të kaluar, gjyshen, shtëpinë e tij të vogël dhe një pemë në të cilën ngjitej gjithmonë. Kur pulëbardhat rriten dhe janë gati për të fluturuar, Kosta dëshiron të shkojë me ta. Kështu ai pret disa degë pemësh dhe bën krahë, por në vend që të fluturojë në qiell, ai bie në det. Kur sheh pulëbardhat duke fluturuar larg, Kosta u thërret të kthehen, por ato zhduken dhe nuk kthehen më. I mbetur vetëm, Kosta fillon të flasë me pemën. Një ditë disa mbeturina e rrethojnë pemën. Mes plehrave, Kosta gjen një letër që gruaja e tij i ka dërguar motrës së saj. Në letër ajo thotë se e priti Kostan një vit dhe meqë nuk u kthye, vendosi të gjente një burrë tjetër, nje pilot Allvanos. Kosta ndihet i hidheruar kur mëson se ka një vit që ka humbur, dhe se gruaja e ka lënë dhe gërvisht numrin 366 në trungun e pemës. Çdo ditë ai gërvisht një numër në trungun e pemës, duke krijuar një lloj ditari. Një ditë sulmohet nga disa gaforre dhe Kosta i vret sepse mendon se duan ta hanë. Por shpejt e kupton që gaforret duan vetëm peshk, ndaj u jep peshk dhe së shpejti pema mbushet me gaforre. Kosta gezohet qe nuk eshte me vetem ne mes te oqeanit. Pasi kanë kaluar tre vjet dhe pasi ai ka humbur çdo shpresë dhe ka prerë shumicën e degëve të pemës për të bërë kurthe per peshq, ai sheh nje anije ne horizont. Kosta i vë zjarrin pemës dhe marinarët e pikasin. Anijet ndalon dhe marinarët e shpëtojnë Kostasin. Teksa noton larg pemës, Kosta kthen kokën pas, sheh pemën dhe gaforret të përfshira nga flakët dhe ndihet fajtor për atë që bëri.
