Edhe trajneri i Barcelonës reagon për ‘rastin Griezmann’

[centos]

Ka disa ditë që francezi ka qenë pjesë e spekulimeve për një transferim të mundshëm të Barcelona, gjë për të cilën këta të fundit kanë reaguar përmes një komunikate, duke i përgënjeshtruar të gjitha këto lajme.

Njëjtë ka vepruar edhe trajneri i Barcelonës, Ernesto Valverde, në konferencën për shtyp para ndeshjes me Real Betis.

“Griezmann luan për një tjetër skuadër dhe ne e respektojmë shumë atë skuadër, ajo është skuadra e Atletico Madridit, dhe unë mendoj se ai ka shumë për të bërë aty”, ka deklaruar Valverde, përcjell lajmi.net.

“Ne jemi në mes të merkatos dhe në këto momente ne jetojmë me shumë spekulime”.

“Barcelona e ka bërë të qartë të gjithën përmes një reagimi. Nëse ju më pyesni nëse Griezmann është lojtar i mirë, sigurisht që është. Por unë gjithmonë kam thënë se lojtarët që i pëlqej më shumë janë lojtarët e mi”. /Lajmi.net/