A është dashuria e përjetshme… apo e bukur vetëm sepse është e përkohshme?

[Mignonne]

Dashuria – E përjetshme në thelb apo magjike vetëm sepse është kalimtare?”

A është forca e dashurisë tek qëndrueshmëria e saj… apo tek intensiteti i një çasti që nuk rikthehet më?


– A bëhet më e çmuar sepse s’zgjat?


– Apo është e vërtetë vetëm kur mbijeton me kohën?

 

[Kresha]

Nuk ka asgje te perhershme ne kete bote. Por te kesh nje dashuri te perkohshme,te duhur, te ben te ndjesh qe tere jeten ke qene i lumtur.

 

[daniel00]

Dashuria gjithmonë premton përjetësinë ndaj është e shenjtë sepse është e panjollë. Nuk mund të bie në nivelin e ulët të njerëzve që tradhëtojnë e që përçmojnë njeriun që kanë dashur. Këta njerëz tradhëtarë e humbin aftësinë për të dashur dhe bëhen qyqarë, e gënjejnë veten me epshe kalimtare pa kurrfarë vlere.

Dashuria jo thjesht zgjat por të përfshin dhe të ndryshon, të merr me vete dhe të bën tjetër njeri pranë asaj që do.
Dashuria jo thjesht mbijeton por bëhet e larmishme, ndjellëse në ndienjat më sublime.
Dashuria është dritë e shpirtit e njeriu e do dritën sa ta ketë jetën.
Dritën që e shkëlqen dhe e zbukuron fytyrën e saj, e stolis me buzëqeshje.
Ajo bëhet drita e syve të tu.