Xhirimet e filmit kthehen në tragjedi/ Aktori qëllon me armë, 1 i vdekur, plagoset edhe regjisori

[...]

Xhirimet e filmit kthehen në tragjedi/ Aktori qëllon me armë, 1 i vdekur, plagoset edhe regjisori​

Provat gjatë xhirimit të një filmi u kthyen në një tragjedi pasi një grua humbi jetën dhe një burrë mbeti i plagosur kur aktori Alec Baldwin qëlloi me armë “lodër” që përdoret në filma.

Policia në SHBA tha se aktori shkarkoi armën gjatë filmimeve të një filmi Western të shekullit të 19 Gruaja u dërgua me urgjencë në spital por nuk mundi t’i shpëtojë dëmtimeve. Regjisori i filmit po merr ndihmën e parë, shkruan BBC.

Viktima, Halyna Hutchins, 42 vjeçe ishte duke punuar si drejtore e fotografisë. Ndërkohë i plagosur është Joel Souza, 48 vjeç. Policia është duke hetuar rreth ngjarjes të ndodhur në Bonanza Creek Ranch, një vend mjaft popullor për filma. Mësohet se deri tani akoma nuk janë ngritur akuza.
Gazeta lokale meksikane, The Santa Fe New Mexican raporton se aktori 68-vjeçar është parë i përlotur jashtë komisariatit të policisë të enjten.

Halyna Hutchins ishte nga Ukraina dhe është ishte rritur në një bazë të ushtrisë sovjetike. Ajo kishte studiuar gazetari në Kiev dhe për film në Los Angeles. Revista American Cinematografer në 2019 e cilësonte atë një yll në rritje.

Ajo ishte drejtorja e fotografisë në filmin Archenemy, lançuar në 2020 me regjisor Adam Egypt Mortimer. “Me vjen shumë keq që humbën Halyna dhe ndihem shumë i irrituar që kjo ndodhi gjatë xhirimeve”- shkruan në Twitter Mortimer.

Aktori Alec Balwin







Top Channel

 

[...]

“Pse më dhanë një armë të mbushur?”/ Ja si reagoi aktori Alec Baldwin pas ngjarjes tragjike në sheshxhirimin e filmit “Rust​

Aktori Alec Baldwin qëlloi aksidentalisht me armë gjatë xhirimeve të filimit “Rust”, duke lënë të vdekur drejtoreshën e fotografisë, Halyna Hutchins dhe duke plagosur regjisorin Joel Souz

Sipas “Daily Mail” pas tragjedisë, thuhet se aktori i njohur nisi të pyeste vazhdimisht veten “Pse më dhanë një armë të mbushur?”. Një zëdhënës i kompanisë së produksionit të filmit tha më vonë se aksidenti ndodhi nga ‘shpërthimi i një arme të mbushur me barut’.

Mike Tristan, një armator i Hollivudit me përvojë 30-vjeçare, tha se përgjegjësia përfundimtare për sigurinë e armëve në setin e filmit i takon armaturës.

“Duhet të kishte plumba fals në armë, detyra e armatorit në set është ta kontrollojë armën përpara se të dorëzojë. Ata pastaj sigurohen që aktori të qëndrojë në një vend të caktuar dhe të mos e drejtojë kurrë armën tek ekuipazhi apo kasti… është editimi ai që e bën të duket sikur ata po ia drejtojnë kolegut të tyre.

Kjo është arsyeja pse të gjithë në industri janë shumë të hutuar. Mënyra se si ndodhi kjo, është një mister total për momentin”,- tha Tristan.

Tristan shtoi se ka punuar me Baldwin më parë, në xhirimet e filmit të vitit 1998, “Thick as Thieves”, dhe e cilësoi atë ‘plotësisht profesionist’.

“U befasova kur dëgjova se ishte ai”,- shtoi Tristan.


Baldwin u mor në pyetje pas të shtënave fatale, por nuk u arrestua dhe nuk u akuzua. Ai u fotografua jashtë zyrës së sherifit i pikëlluar dhe duke qarë, ndërsa fliste në telefon.

Aktori nuk pranoi të fliste me reporterët që ishin në vendin e ngjarjes. Është e paqartë se ku është aktori tani. Policia tha se një hetim penal për incidentin po kryhet aktualisht për të përcaktuar rrethanat e vdekjes së Hutchins.

Pas të shtënave fatale në sheshxhirim, u rishfaq një postim i vitit 2017 i Baldwin në Twitter, ku Policia qëlloi për vdekje një person të dyshuar. Me këtë status i referohej një ngjarjeje që kishte ndodhur në Hungtingon, në shtator të 2017, kur policia qëlloi për vdekje një person të dyshuar.

“Pyes veten se si duhet të jetë të vrasësh dikë gabimisht…“, ishte pyetja që ai shkroi krahas postimit.


Fatkeqësisht, aktori e ka marrë sot përgjigjen, kur aksidentalisht në shesh xhirimin e filmit të tij “Rust”, qëlloi për vdekje Halyna Hutchins si edhe plagosi regjisorin dhe skenaristin Joel Souz.

Sipas “CNBC”, filmi po filmohej në New Mexico, siç ka bërë të ditur edhe Zyra e Sherifit të Qarkut Santa Fe. Hutchins u transportua me helikopter në Spitalin e Universitetit të New Mexico-s, ku u shpall e vdekur. Souza u dërgua në Qendrën Mjekësore Rajonale Christus St. Vincent për mjekim.

© Panorama.al

​

 

[Rrelse]

Sa keq...

 

[...]

Tragjedia në xhirimet e filmit/ Eksperti ngre akuzën: “Baldwin shkeli rregullat e sigurisë”. Në horizont telashe si producent. Aktori i njohur mund të përballet me një makth ligjor​

“E mbushur apo jo, një armë edhe nëse je në skenë nuk i drejtohet kurrë një njeriu tjetër”. Kështu thotë eksperti i armëve, Bryan Carpenter për New York Post, duke nënvizuar se aktori i famshëm Alec Baldwin ka shkelur rregullin numër një për sigurinë e armëve. Aktori e kishte drejtuar armën ndaj një qenie tjetër njerëzore, shtoi ai.

Alec Baldwin rrezikon gjithashtu pasoja për vrasjen aksidentale të drejtoreshës së fotografisë Halina Hutchins, jo në rolin e tij si aktor që ka qëlluar, por si një nga producentët e filmit. Sipas disa ekspertëve ligjorë të cituar nga mediat amerikane, ai nuk ka gjasa të akuzohet për vrasje me qëllim pasi nuk e dinte se arma ishte e mbushur.


Mundësia e vetme për një aktakuzë penale është nëse vërtetohet se ai e ka përdorur armën në mënyrë të rrezikshme, diçka që ende nuk ka rezultuar, pavarësisht akuzave të Bryan Carpenter. Si një nga producentët e filmit “Rust”, megjithatë, ai rrezikon, të paktën nga pikëpamja civile, një sërë veprimesh ligjore nëse konstatohet një neglizhencë në siguri.

Edhe pse aktori është producenti kryesor, hetimet mund të zbulojnë se producentët e tjerë kanë ulur pragun e sigurisë dhe për këtë arsye janë përgjegjës. Kësaj i shtohet fakti se do të duhet të konstatohet se kush e ka autorizuar zëvendësimin e trupës që i përket sindikatës së sektorit që është larguar nga grupi me operatorë të tjerë që duket se nuk kanë respektuar protokollet e sigurisë. Cilido qoftë skenari, do të jetë një makth ligjor për Baldwin.

Ngjarja ndodhi më 22 tetor, gjatë xhirimeve të filmit “Rust”, një film western me Alec Baldwin në prodhim në New Mexico, Shtetet e Bashkuara. Aktori vrau aksidentalisht drejtoreshën e fotografisë Halyna Hutchins, 42 vjeçe dhe plagosi regjisorin Joel Souza.



"Balkanweb"