Kreu i opozitës Lulzim Basha ka nënshkruar marrëveshje me një grup artistësh për të mos lejuar shembjen e godinës ekzistuese të Teatrit Kombëtar, që i hap rrugë ndërtimit të teatrit të ri, i cili është miratuar me ligj që një vit më parë. Por pyetja që lind sot është se ku ishte Lulzim Basha dhe gjithë ata që mbrojnë teatrin dhjetë viteve më parë, kur artistëve iu morën arbitrarisht ambientet e Kinostudios, të cilat iu dhanë në përdorim televizioneve private?!
Realstory ka bërë një verifikim si për figurat politike, ashtu edhe për artistët që sot kundërshtojnë teatrin e ri se çfarë qëndrimi kanë mbajtur ata në kohën tjetërsimit të Kinostudios. Për të rikthyer në kujtesë, dhjetë vite më parë, pikërisht në shkurt të vitit 2009, qeveria e drejtuar nga kryeministri Sali Berisha mori një vendim për t’u dhënë në përdorim ambientet e Kinostudios, rreth 80 mijë metra katrorë, disa televizioneve private, ku fillimisht krijoi një konflikt me ish pronarët, të cilët kishin fituar të drejtën e pronës në Gjykatën e Lartë dhe më pas pati një konflikt të ashpër me Akademinë Marubi, e cila ishte vendosur në ambientet e Kinostudios prej disa viteve.
Kreu i opozitës, Basha në atë kohë ishte pjesë e këtij vendimi, pasi në kabinetin Berisha mbante postin e Ministrit të Jashtëm, ndërsa sot luan “teatër”, duke iu premtuar aktorëve se nuk do të shembet godina, por do të restaurohet. Ndoshta ashtu siç ndodhi edhe me Kinostudion?! Në atë kohë, asnjë prej qeverisë apo Partisë Demokratike, nuk doli në mbrojtje të ambienteve të ish-Kinostudios, kështu që ndoshta sot më mirë sesa Basha u premton aktorëve restaurim teatri, duhet t’u kërkojë falje për “mëkatet” e qeverisë, ku ishte pjesë edhe vetë.
Por, jo vetëm Basha. Pas këtij vendimi të qeverisë Berisha në vitin 2009, asnjë prej artistëve, që sot janë kundër shembjes së godinës ekzistuese të Teatrit Kombëtar nuk dolën kundër vendimit. Nuk pati asnjë protestë dhe tubim. Veç përplasjeve të disa drejtuesve dhe studentëve të Akademisë Marubi nuk pati asnjë kundërshtim tjetër. Edhe më ithtarët që sot janë kundër shembjes së teatrit, 10 vite më herët nuk thanë asnjë fjalë. Nga verifikimi rezulton se vetëm Edmond Budina ka qenë një nga artistët që disa vite më vonë e ka dënuar atë që i ndodhi Kinostudios.
“Atë pasuri e shkatërruan, dhe për mua është një nga krimet më të mëdha të kulturës shqiptare. Hynë hajdutët me çizme dhe e shkatërruan Kinostudion, sepse nuk gjej dot një arsyetim tjetër kur e shikoj sot të copëtuar dhe të privatizuar në atë mënyrë”, shprehej ai në një intervistë disa vite më vonë.
Ndërsa artistët e tjerë, të cilët janë kundër projektit të teatrit të ri, si regjisori Robert Budina, aktorët Neritan Liçaj, Julian Deda, Romir Zalla, Gent Zeneli, Mehdi Malkaj, Sesilia Plasari rezultojnë se asnjë prej tyre nuk kanë thënë ndonjë fjalë për privatizimin e Kinostudios. Kurse Robert Ndrenika si për Kinostudion ashtu dhe për Teatrin është shprehur se është pro modernizimit të ambienteve, pavarësisht akuzave të kolegëve. Madje një qëndrim për modernizimin e Kinostudios, Ndrenika ka mbajtur që në vitet ’90, kur ishte deputet.
Ndoshta edhe aktorët, ashtu si Basha duhet të bëjnë një “Mea culpa” për Kinostudion, e cila jo vetëm që nuk u modernizua, por u tjetërsua, para se të mos lejojnë ndërtimin e Teatrit të Ri Kombëtar me shpresën se opozita, që dje fali ambientet e Kinostudios, nesër mund t’u rregullojë teatrin.
j.l./ dita
Realstory ka bërë një verifikim si për figurat politike, ashtu edhe për artistët që sot kundërshtojnë teatrin e ri se çfarë qëndrimi kanë mbajtur ata në kohën tjetërsimit të Kinostudios. Për të rikthyer në kujtesë, dhjetë vite më parë, pikërisht në shkurt të vitit 2009, qeveria e drejtuar nga kryeministri Sali Berisha mori një vendim për t’u dhënë në përdorim ambientet e Kinostudios, rreth 80 mijë metra katrorë, disa televizioneve private, ku fillimisht krijoi një konflikt me ish pronarët, të cilët kishin fituar të drejtën e pronës në Gjykatën e Lartë dhe më pas pati një konflikt të ashpër me Akademinë Marubi, e cila ishte vendosur në ambientet e Kinostudios prej disa viteve.
Kreu i opozitës, Basha në atë kohë ishte pjesë e këtij vendimi, pasi në kabinetin Berisha mbante postin e Ministrit të Jashtëm, ndërsa sot luan “teatër”, duke iu premtuar aktorëve se nuk do të shembet godina, por do të restaurohet. Ndoshta ashtu siç ndodhi edhe me Kinostudion?! Në atë kohë, asnjë prej qeverisë apo Partisë Demokratike, nuk doli në mbrojtje të ambienteve të ish-Kinostudios, kështu që ndoshta sot më mirë sesa Basha u premton aktorëve restaurim teatri, duhet t’u kërkojë falje për “mëkatet” e qeverisë, ku ishte pjesë edhe vetë.
Por, jo vetëm Basha. Pas këtij vendimi të qeverisë Berisha në vitin 2009, asnjë prej artistëve, që sot janë kundër shembjes së godinës ekzistuese të Teatrit Kombëtar nuk dolën kundër vendimit. Nuk pati asnjë protestë dhe tubim. Veç përplasjeve të disa drejtuesve dhe studentëve të Akademisë Marubi nuk pati asnjë kundërshtim tjetër. Edhe më ithtarët që sot janë kundër shembjes së teatrit, 10 vite më herët nuk thanë asnjë fjalë. Nga verifikimi rezulton se vetëm Edmond Budina ka qenë një nga artistët që disa vite më vonë e ka dënuar atë që i ndodhi Kinostudios.
“Atë pasuri e shkatërruan, dhe për mua është një nga krimet më të mëdha të kulturës shqiptare. Hynë hajdutët me çizme dhe e shkatërruan Kinostudion, sepse nuk gjej dot një arsyetim tjetër kur e shikoj sot të copëtuar dhe të privatizuar në atë mënyrë”, shprehej ai në një intervistë disa vite më vonë.
Ndërsa artistët e tjerë, të cilët janë kundër projektit të teatrit të ri, si regjisori Robert Budina, aktorët Neritan Liçaj, Julian Deda, Romir Zalla, Gent Zeneli, Mehdi Malkaj, Sesilia Plasari rezultojnë se asnjë prej tyre nuk kanë thënë ndonjë fjalë për privatizimin e Kinostudios. Kurse Robert Ndrenika si për Kinostudion ashtu dhe për Teatrin është shprehur se është pro modernizimit të ambienteve, pavarësisht akuzave të kolegëve. Madje një qëndrim për modernizimin e Kinostudios, Ndrenika ka mbajtur që në vitet ’90, kur ishte deputet.
Ndoshta edhe aktorët, ashtu si Basha duhet të bëjnë një “Mea culpa” për Kinostudion, e cila jo vetëm që nuk u modernizua, por u tjetërsua, para se të mos lejojnë ndërtimin e Teatrit të Ri Kombëtar me shpresën se opozita, që dje fali ambientet e Kinostudios, nesër mund t’u rregullojë teatrin.
j.l./ dita
