Festa me shqiponjë e dy futbollistëve shqiptarë, Taulant Xhaka dhe Xherdan Shaqiri pas golave të shënuara ndaj Serbisë është tema më e diskutuar e momentit. Në lidhje me këtë diskutim, mund të mungonte edhe një koment nga ana e presidentit të Federatës Shqiptare të Futbollit, Armand Duka.
Nëpërmjet një postimi në faqen zyrtare në “Facebook”, Duka e cilëson festën e futbollistëve shqiptar si normale dhe tregon se shqiponja nuk është një simbol i ndaluar.
“Futbolli është një lojë që ka emocione të forta dhe të bukura. Në çdo ndeshje të Botërorit shikon mënyra të ndryshme të festimit të golave. Edhe Xhaka e Shaqiri festuan në mënyrën e tyre golat e shënuar. Simboli i Shqiponjës nuk është aspak një simbol i ndaluar në asnjë vend të Botës.
Nuk është simbol lufte, urrejtjeje dhe diskriminimi. Kërkesa për investigim në FIFA për mënyrën e festimit të Xhakës dhe Shaqirit është, sa qesharake aq edhe primitive. Simboli i Shqiponjës në Flamurin tonë kombëtar nuk ka pse të shqetësojë askënd”, shkruan Duka në “Facebook”.
The post Shqiponja e Xhakës dhe Shaqirit, reagon Duka: Nuk është simbol lufte! appeared first on Lajmi i Fundit.
