Shifrat e audiencës së Netflix tashmë mund të shikohen, ‘The Crown’ numëron 1.1 milion në ditën e parë të publikimit
Më shumë se një milion njerëz në Mbretërinë e Bashkuar ndoqën serinë e re të ‘The Crown’ në ditën e parë të publikimit.
Netflix iu bashkua sistemit të vlerësimeve Barb javën e kaluar, që do të thotë se shifrat e shikimit për audiencën e transmetimit në Mbretërinë e Bashkuar janë të disponueshme për herë të parë.
Rreth 1.1 milion njerëz panë të mërkurën të paktën një episod të sezonit të pestë të The Crown në televizorë, shifrër kjo pak më e ulët nga çfarë ishte menduar. Shifrat e Barb thanë se 666,000 njerëz vazhduan të shikonin për episodin e dytë, dhe pothuajse 300,000 panë episodin e tretë.
Kritiku televiziv Scott Bryan tha se tani është e mundur të krahasohen vlerësimet për programet në kanalet tradicionale të transmetimit dhe shërbimet e transmetimit.
“Kjo tregon se shërbimet e transmetimit ndoshta nuk janë aq masive, për sa i përket miliona njerëzve që shikojnë një shfaqje të re, siç mund të mendoni, dhe se ende miliona njerëz preferojnë të shikojnë një kanal tradicional linear, dhe më pas ndoshta të shikojnë një shfaqje në Netflix më vonë”, tha ai.
Top Channel
