Rregullat e reja të udhëtimit, MEPJ njofton emigrantët: Çfarë duhet të dini
Ditën e sotme, ministria e Jashtme ka reaguar lidhur me rregullat e reja që duhet të zbatohen kundër covid-19 për të gjithë ata që duan të udhëtojnë në drejtim të Italisë.
Shteti fqinj ka rënditur Shqipërinë në listën D, dhe për këtë arsye para nisjes qytetarët duhet të plotësojnë formularin PLF, dhe të paraqesin në pikat hyrëse të territorit italian tamponin apo testin molekulor.
Sipas rregullit, testet do të paraqiten në pikënisje, ndërsa në udhëtimet tranzit ato nuk do të kërkohen (nëse tranziti nuk zgjat më shumë se 72 orë).
“Duke nisur nga sot, 31 korrik 2021, të gjithë qytetarët shqiptarë mund të udhëtojnë drejt Italisë, bazuar mbi rregullat e reja.
Ministria italiane e Shëndetësisë, në udhëzimin e saj të fundit, ka bërë të ditur protokollin e ri të lëvizjes edhe për vendet e listës ku bën pjesë Shqipëria. https://bit.ly/3C0HM90
Përpara nisjes duhet plotësuar formulari . https://app.euplf.eu/#/
Qytetarët duhet të paraqesin në pikat hyrëse të territorit italian tamponin apo testin molekular. Testet do të paraqiten në pikënisje, ndërsa në udhëtimet tranzit ato nuk do të kërkohen (nëse tranziti nuk zgjat më shumë se 72 orë).
Përpara çdo udhëtimi jashtë vendit, brenda apo jashtë Bashkimit Evropian, sigurohuni të keni informacionin e duhur për destinacionin tuaj, duke klikuar në adresën e mëposhtme zyrtare të MEPJ-së:
https://punetejashtme.gov.al/.../informacion-mbi-levizjen...”, njofton MEPJ.
