Protestë në Serbi/ Organizatorët: Regjimi i Vuçiç po varros institucionet
Me qindra qytetarë serbë iu bashkuan të shtunën protestës së thirrur me datë 4 dhjetor për të kundërshtuar miratimin e referendumit për ndryshimet kushtetuese dhe ligjin e shpronësimeve.
Organizatorët e protestave deklaruan se presidenti serb Aleksandar Vuçiç ka vendosur të varrosë institucionet në vend.
Një prej tyre, Martin Bezinareviç tha se kur institucionet nuk punojnë, atëherë i mbetet rrugës të shndërrohet në të tillë.
“Kur institucionet nuk punojnë dhe kur regjimi i Vuçiçit dhe SNS-it varrosin institucionet, atëherë u mbetet rrugëve të shndërrohen në të tilla, duke mbetur e vetmja formë lufte dhe shfaqje e pakënaqësive tona”, tha ai.
Sipas informacioneve të shpërndara në rrjetet sociale protesta është shoqëruar edhe me disa incidente mes protestuesve dhe forcave të policisë.
Miroslav Aleksiç nga Partia Popullore ka shkruar në llogarinë e tij në Twitter se nënkoloneli në pension Zoran Kardasheviç është sulmuar në Stara Pazova “nga partia e progresistëve që donin të çanin bllokadën”.
Predrag Vukoviç Çune, anëtar i SNS-së i punësuar në administratën komunale, e ka sulmuar fizikisht Kardasheviçin, pohon Aleksiç.
Protesta u zhvillua paralelisht në disa qytete të vendit dhe u mbështet nga partitë opozitare serbe, aktivistët e shoqërisë civile dhe artistët.
Me qindra qytetarë serbë iu bashkuan të shtunën protestës së thirrur me datë 4 dhjetor për të kundërshtuar miratimin e referendumit për ndryshimet kushtetuese dhe ligjin e shpronësimeve.
Top Channel
