Prifti rus dënohet me 14 vite burgim për ngacmim fëmijësh

[centos]

Prifti ortodoks rus, Gleb Grozovsky, është dënuar me 14 vite burgim në qytetin Priozersk, pas akuzave për ngacmim fëmijësh.

Gjykata në veriperëndim të qytetit rus, ka njoftuar sot për vendimin kundër priftit rus.

Gjykata e ka gjetur fajtor Grozovsky, për kryerje të marrëdhënieve seksuale me vajza të mitura në verën e vitit 2011, në një kamp fëmijësh në Ishullin Konevets afër Priozersk.

Në atë kohë, Grozovsky, ka qenë prift në një katedrale jashtë Shën Petersburgut.

Gjykata po ashtu e ka gjetur fajtor priftin edhe për marrëdhënie seksuale me vajza të mitura në një kamp në Greqi në qershor të vitit 2013, derisa ishte famulltar i një kisheje.

Rusia pati nisur një fletë-arrest për Grozovsky në tetor të vitit 2013.

Ai është ekstraduar nga Izraeli në Rusi në shtator të vitit 2016.