Si çdo vit, Japonia përkujtoin tragjeditë e Hiroshimës dhe Nagasakit.
74 vjet më parë, më 6 gusht të vitit 1945, u lëshua bomba atomike në qytetin japonez, Hiroshima. Në Nagasaki bomba u lëshua 3 ditë vë vonë, më 9 gusht.
Bomba me uranium, me forcën e 13 mijë TNT, shkatërroi 70% të Hiroshimës duke krijuar nxehtësi prej 3.000 centigradësh. Bomba atomike rrafshoi çdo gjë në një diametër prej 1,5 kilometra, ndërsa shkaktoi 80 mijë të vdekur, vetëm në fazën e parë, dhe 140 mijë deri në fund të vitit 1945.
Teksa shumë njerëz të plagosur vdiqën ende pa marrë ndihmën mjekësore, shumë të tjerë që shkuan në qytet për të dërguar ndihma po ashtu humbën jetën si pasojë e ekspozimit ndaj shiut radioaktiv të shkaktuar prej bombës.
Në Nagasaki, kodrat përreth qytetit kufizuan përhapjen e forcës shkatërruese të bombës me fuqi 22 mijë TNT të lëshuar nga një lartësi prej 500 metrash. Megjithatë, gati 70 mijë persona humbën jetën në fazën e parë dhe gjysma e qytetit u shkatërrua.
Numri i vërtetë i viktimave të këtyre dy bombave atomike është akoma i pakonfirmuar saktësisht, pasi shifrat e dhëna nga SHBA dhe Japonia janë shumë të ndryshme. Por “Hibakusha” ishte emri që bota i dha të dëmtuarve të këtyre dy katastrofave, të cilët u përballën me plagë të tmerrshme.
Në fund të korrikut të vitit 1945, Britania, Kina dhe SHBA i bënë thirrje Japonisë për dorëzim nëpërmjet Deklaratës së Potsdamit, Japonia deklaroi se nuk do të dorëzohet “pa kushte”.
Në fillim të gushtit, Japonia i propozoi frontit të Aleatëve, “paqe të dakorduar”. Aleatët e refuzuan propozimin dhe lufta vazhdoi edhe pak ditë.
Perandori i atëhershëm i Japonisë, Michinomiya Hirohito, në mesazhin e tij më 15 gusht deklaroi dorëzimin e vendit të tij pa kushte, duke thënë se “vazhdimi i luftës do ta shkatërronte popullin japonez”.
Sipas të dhënave, Hiroshima u vu në shënjestër për shkak të bazave ushtarake, kurse Nagasaki për shkak të industrisë së rëndë.
Edhe pse kanë kaluar 74 vite nga katastrofa bërthamore, ende mbetet e paqartë pse SHBA zgjodhi bombat atomike për t’i dhënë fund luftës.
Duhet theksuar se lëshimi i “Little Boy” (Djalit të Vogël) në Hiroshima dhe “Fat Man” (Burrit të Shëndoshë) në Nagasaki shënojnë edhe fillimin e një epoke të re si në histori ashtu edhe në arte.
e.ll./dita
74 vjet më parë, më 6 gusht të vitit 1945, u lëshua bomba atomike në qytetin japonez, Hiroshima. Në Nagasaki bomba u lëshua 3 ditë vë vonë, më 9 gusht.
Bomba me uranium, me forcën e 13 mijë TNT, shkatërroi 70% të Hiroshimës duke krijuar nxehtësi prej 3.000 centigradësh. Bomba atomike rrafshoi çdo gjë në një diametër prej 1,5 kilometra, ndërsa shkaktoi 80 mijë të vdekur, vetëm në fazën e parë, dhe 140 mijë deri në fund të vitit 1945.
Teksa shumë njerëz të plagosur vdiqën ende pa marrë ndihmën mjekësore, shumë të tjerë që shkuan në qytet për të dërguar ndihma po ashtu humbën jetën si pasojë e ekspozimit ndaj shiut radioaktiv të shkaktuar prej bombës.
Në Nagasaki, kodrat përreth qytetit kufizuan përhapjen e forcës shkatërruese të bombës me fuqi 22 mijë TNT të lëshuar nga një lartësi prej 500 metrash. Megjithatë, gati 70 mijë persona humbën jetën në fazën e parë dhe gjysma e qytetit u shkatërrua.
Numri i vërtetë i viktimave të këtyre dy bombave atomike është akoma i pakonfirmuar saktësisht, pasi shifrat e dhëna nga SHBA dhe Japonia janë shumë të ndryshme. Por “Hibakusha” ishte emri që bota i dha të dëmtuarve të këtyre dy katastrofave, të cilët u përballën me plagë të tmerrshme.
Në fund të korrikut të vitit 1945, Britania, Kina dhe SHBA i bënë thirrje Japonisë për dorëzim nëpërmjet Deklaratës së Potsdamit, Japonia deklaroi se nuk do të dorëzohet “pa kushte”.
Në fillim të gushtit, Japonia i propozoi frontit të Aleatëve, “paqe të dakorduar”. Aleatët e refuzuan propozimin dhe lufta vazhdoi edhe pak ditë.
Perandori i atëhershëm i Japonisë, Michinomiya Hirohito, në mesazhin e tij më 15 gusht deklaroi dorëzimin e vendit të tij pa kushte, duke thënë se “vazhdimi i luftës do ta shkatërronte popullin japonez”.
Sipas të dhënave, Hiroshima u vu në shënjestër për shkak të bazave ushtarake, kurse Nagasaki për shkak të industrisë së rëndë.
Edhe pse kanë kaluar 74 vite nga katastrofa bërthamore, ende mbetet e paqartë pse SHBA zgjodhi bombat atomike për t’i dhënë fund luftës.
Duhet theksuar se lëshimi i “Little Boy” (Djalit të Vogël) në Hiroshima dhe “Fat Man” (Burrit të Shëndoshë) në Nagasaki shënojnë edhe fillimin e një epoke të re si në histori ashtu edhe në arte.
e.ll./dita
