Mbanin të burgosur në shtëpi 13 fëmijët e tyre, detaje të reja nga jeta brenda banesës së torturës

[centos]

Pak ditë më parë dy prindër nga Kalifornia u arrestuan se mbanin të burgosur, në kushte të tmerrshme 13 fëmijët e tyre.

Ata nuk i lejonin fëmijët e tyre të bënin dush më shumë se një herë në vit, të shoqëroheshin me fëmijë të tjerë apo të ndiqnin aktivitetet komunitare.

Kjo situatë ishte mbajtur e fshehur, ndërsa vetëm të dielën u bë publike, pasi një ndër vajzat e familjes u arratis dhe bëri kallëzimin në polici. Autoritetet morën në pyetje fëmijët dhe kontrolluan banesën në të clën evidentuan kushtet çnjerëzore të jetesës.

13 fëmijët e çiftit jetonin në kushte të tmerrshme, në shtëpi dritaret ishin të izoluara dhe nuk depërtonte drita. Ata detyroheshin të kryenin punë të rënda fizike dhe t’i nënshtoheshin rregullave strikte të vendosura nga prindërit e tyre.