Kreu i Senatit amerikan për Marrëdhëniet me Jashtë: Shqiptarët po i tregojnë botës çfarë është ‘BESA’!
Kreu i Komitetit të Senatit amerikan për Marrëdhëniet me Jashtë, senatori Robert Menendez ka përshëndetur vendimin e qeverisë shqiptare për të mirëpritur përkohësisht qytetarë afganë.
Në një shënim në Twitter, Menendez tha se edhe një herë populli shqiptar është duke i treguar botës se çdo të thotë ‘besa’.
“Unë mirëpres vendimin e qeverisë shqiptare për t’u dhënë një strehë të përkohshme të sigurt atyre që ikin nga sulmet e talebanëve në Afganistan. Populli i Shqipërisë i tregon edhe një herë botës se çfarë do të thotë “BESA”. Ju keni respektin dhe falënderimet tona”, shkruan Menendez.
Top Channel
