U
Universal
Guest
Boksieri britanik Anthony Joshua ka mbrojtur tituj kampionë bote në kategoritë IBF dhe WBA në peshat e rënda, pas fitores me “KO teknik” në raundin e 10-të ndaj Carlos Takam, sfidë e zhvilluar në Kardif, në prani të 80 mijë shikuesve, të gjithë fansa të kampionit të botës. Ky është suksesi i 20-të i britanikut në po kaq sifda të zhvilluara, duke qëndruar i pamposhtur në ring. Joshua ka fituar ashtu sikurse edhe parashikohej edhe pse dueloi ndaj një rivali të panjohur për të dhe publikun, me Takam që zuri vendin e bullgarit Kubrat Pulev, i dëmtuar gjatë stërvitjes tri javë më parë. Takam konfirmoi se është i fortë fizikisht dhe rezistoi 10 raunde, kur gjyqtari vendosi të ndalë sfidën. Joshua rikthehej në ring 6 muaj pas fitores epike ndaj Wladimir Klitschko.
Joshua e dominoi pothuajse gjatë gjithë kohës sfidën, ishte më superior se rivali i tij, që edhe pse u përpoq të mbrohet dhe synoi duelin nga afër, ra pre e grushteve të fortë të britanikut. Në raundin e dytë, kampioni i botës u dëmtua në hundë, nga ku rridhte gjak, po pa pasoja, ndërsa në raundin e 4-t Takam tregon shenjat e para të dorëzimit, teksa për një moment bie në tapet, por ngrihet shpejt. Ndërkohë që sfidanti është carë në vetullën e djathtë, nga ku rrjedh gjak e syri sa vjen e zvogëlohet. Kjo e bën edhe më të lehtë sfidën për Joshua, që shfrytëzon edhe shtatlartësinë e tij ndaj një sfidanti më të shkurtër, që nuk ka asnjë shans të sulmojë e vetëm mbrohet dhe kërkon duelin trup më trup.Në raundin e shtatë është Takam që tenton të bëjë surprizën me disa gjuajtje, por edhe Joshua reagon mirë, duke e bërë mjaft interesante sfidën edhe pse nuk është shumë spektakolare. Boksierët janë të fortë fizikisht dhe përballojnë mirë grushtet e njëri-tjetrit, me Joshua që nis gradualisht të fitojë avantazh në pikë. Në raundin e 10-të, disa grushte të njëpasnjëshme të Joshua detyrojnë gjyqtarin e sfidës ta ndalë atë edhe pse ky vendim nuk miratohet nga Takam, që synote të shkonte deri në fund. Një vendim që nuk u pëlqye edhe nga fansat, që vërshëllyen në fund, por Joshua e meritoi fitoren dhe konfirmohet si kampion bote, i pamposhtur në ring.
Joshua e dominoi pothuajse gjatë gjithë kohës sfidën, ishte më superior se rivali i tij, që edhe pse u përpoq të mbrohet dhe synoi duelin nga afër, ra pre e grushteve të fortë të britanikut. Në raundin e dytë, kampioni i botës u dëmtua në hundë, nga ku rridhte gjak, po pa pasoja, ndërsa në raundin e 4-t Takam tregon shenjat e para të dorëzimit, teksa për një moment bie në tapet, por ngrihet shpejt. Ndërkohë që sfidanti është carë në vetullën e djathtë, nga ku rrjedh gjak e syri sa vjen e zvogëlohet. Kjo e bën edhe më të lehtë sfidën për Joshua, që shfrytëzon edhe shtatlartësinë e tij ndaj një sfidanti më të shkurtër, që nuk ka asnjë shans të sulmojë e vetëm mbrohet dhe kërkon duelin trup më trup.Në raundin e shtatë është Takam që tenton të bëjë surprizën me disa gjuajtje, por edhe Joshua reagon mirë, duke e bërë mjaft interesante sfidën edhe pse nuk është shumë spektakolare. Boksierët janë të fortë fizikisht dhe përballojnë mirë grushtet e njëri-tjetrit, me Joshua që nis gradualisht të fitojë avantazh në pikë. Në raundin e 10-të, disa grushte të njëpasnjëshme të Joshua detyrojnë gjyqtarin e sfidës ta ndalë atë edhe pse ky vendim nuk miratohet nga Takam, që synote të shkonte deri në fund. Një vendim që nuk u pëlqye edhe nga fansat, që vërshëllyen në fund, por Joshua e meritoi fitoren dhe konfirmohet si kampion bote, i pamposhtur në ring.
