Janë motër e vëlla, por kanë 4 fëmijë së bashku, çifti gjerman në telashe me autoritetet: Luftojmë për të legalizuar incestin
Partick Stubing dhe Susan Karoleëski, me origjinë nga Leipzig i Gjermanisë, ndonëse janë motër e vëlla, kanë së bashku katër fëmijë, dy prej të cilëve me aftësi të kufizuara.
Çifti, i cili prej vitesh lufton për të legalizuar inçestin, nuk njihen që nga lindja. Patrick, i cili aktualisht është 36 vjeç, në fakt ishte vendosur në një jetimore kur ishte 3 vjeç pas keqtrajtimit të babait të tij. Në moshën 23-vjeçare, ai ishte në gjendje të gjurmonte familjen e tij biologjike dhe prej andej filloi romancën me Susan (atëherë 16 vjeç).
Marrëdhënia inçestuoze mes të dyve u zbulua në lindjen e fëmijës së tyre të parë, kur një infermiere në spitalin ku kishte lindur Susan dyshoi se ajo ishte motra e Patrikut dhe thirri policinë. Pas fëmijës së dytë, çështja ligjore e Patrikut u ndërlikua dhe ai u dënua me dhjetë muaj burg. Pas fëmijës së tretë pati një dënim tjetër për incest. Çifti më vonë pati një fëmijë të katërt. Çështja penale kundër Susan, e cila vuan nga një çrregullim i lehtë mendor, u braktis.
Beteja ligjore
Pas tre vitesh burg, në vitin 2012 Stubing iu refuzua një apel i paraqitur në Gjykatën Evropiane të të Drejtave të Njeriut, pasi Gjykata Kushtetuese Federale kishte refuzuar një tjetër në vitin 2008. Susan u lejua të ishte vetëm me fëmijën më të vogël, ndërsa tre të tjerët u vendosën në kujdestari, por që atëherë çifti ka vazhduar të luftojë për të parë inçestin të njohur ligjërisht në Gjermani.
Burimi: Mirror
hajt ka dhe më keq ?
