Anti-Natalizmi

[Lucida Sidera]

Çfarë është anti-natalizmi ?

Fjala antinatalizëm vjen nga kombinim i fjalëve anti (e cila ka origjinë greke) dhe do të thotë kundër, dhe natalis (që vjen nga latinishtja), që ka të bëj me lindjen. Anti-natalizmi është një qëndrim filozofik që është kundër lindjes (riprodhimit). Siç e ka shkruar dhe një poet gjerman i shekullit të 19 Heinrich Heine: gjumi është i mirë, vdekja është e mirë por sigurisht gjëja më e mirë do të ishte të mos lindësh kurrë.

Është e rëndësishme që të krahasojmë dhe bëjmë kontrast midis anti-natalizmit dhe të qenit pa fëmijë në mënyrë vullnetare. Po ashtu është e rëndësishme që të bëjmë një ndarje midis Anti-natalizmit lokal dhe atij global. Antinatalistët lokal janë kundër lindjes në raste specifike, ndërsa antinatalistët global janë kundër lindjes tek të gjithë prindërit.

Rritja e pafëmijërisë vullnetare

Pse kemi parë një rënie të tillë të lindjeve në 50 vitet e fundit?

Ne e kemi parë këtë për shumë arsye. Një nga faktorët kryesorë është rritja e arsimimit të grave. Në të gjithë botën, ndërsa arsimimi i grave rritet, normat e fertilitetit ulen:

Edukimi i grave (faktori më i rëndësishëm)

Pengesë e stilit të jetesës së prindërimit

Fuqizimi i grave në vendin e punës

Disponueshmëria e kontraceptivëve

Jetesa urbane

Mbijetesa më pak e varur nga familja

Rënia e fesë

Rënia e vdekshmërisë së fëmijëve

Rritja e kostos së rritjes së fëmijëve

Anti-natalizmi është pozicion filozofik

Në krahasim me mungesën vullnetare të lindjes së fëmijëve, antinatalizmi nuk është një zgjedhje e stilit të jetesës, por një pozicion filozofik që pretendon se riprodhimi është moralisht i gabuar. Disa antinatalistë argumentojnë se kjo vlen për të gjithë njerëzit. Të tjerë argumentojnë se kjo vlen edhe për të gjitha qeniet jo-njerëzore. Anti-natalistët jo domosdoshmërisht janë promortalist.

Në vitin 1991, u formua Lëvizja Vullnetare e Zhdukjes së Njeriut, duke i inkurajuar njerëzit që të mos kishin fëmijë, kryesisht për qëllime mjedisore. Motoja e tyre? Jeto gjatë dhe vdis !

Është gjithashtu e rëndësishme që ne të dallojmë antinatalizmin nga promortalizmi. Promortalizmi është një pozicion filozofik dhe lëvizje shoqërore që i jep një vlerë pozitive vdekjes. Promortalistët besojnë se gjëja më e mirë morale për të bërë do të ishte t'i jepnim fund vuajtjeve duke i dhënë fund jetës sonë. Promortalistët thonë se e vetmja gjë që e pengon shumicën e njerëzve të vrasin veten është mungesa e vullnetit.

Argument i antinatalizmit nga Benatar (asimetria e kënaqësis dhe dhimbjes)

Në asimetrin e kënaqësis dhe dhimbjes Benetar thotë:

1. Prezenca e dhimbjes është e keqe.

2. Prezenca e kënaqësis është e mirë.

3. Mungesa e dhimbjes është e mirë, dhe nëse ajo e mirë nuk është shijuar nga askush.

4. Mungesa e kënaqësis nuk është e keqe vetëm nëse është dikush dhe të cilit kjo mungesë i është deprivuar.

Nëse njerëzit ekzistojnë (skenari A), prezenca e dhimbjes (e cila është e keqe), dhe prezenca e kënaqësis (e cila është e mirë) anulojnë njëra-tjetrën. Por nëse njerëzit nuk ekzistojnë (Skenari B), nuk do të ketë dhimbje. Dhe mund të themi se asnjë dhimbje nuk është e mirë. Do ketë gjithashtu dhe mungesë të kënaqësis, por ne nuk kemi tendencën të na shqetësoj mungesa e kënaqësis, kështu që kjo nuk është e keqe por neutrale dhe ngelemi vetëm me të mirën. Pra; mosekzistenca është e mirë.

Për më tepër informacion ndiqni burimin: https://www.realtalkphilosophy.org/

 

[Nina]

eh me mire ti bejne ne Laboratore .

 

[Blue_butterfly]

Sdo habitesha nese do benin rituale keta grupet