Anglia njihet si shteti që shpiku futbollin, por ata vetëm një herë në historinë e tyre kanë arritur të fitojnë Botërorin edhe atë mes polemikash të shumta në vitin 1966.Duket se edhe kësaj here në Rusi, anglezët nuk kanë aspak besim te kombëtarja e tyre. Nga të anketuarit te The Sun vetëm 3% besojnë se mund të triumfojnë në Rusi.
Ka edhe nga ata që janë akoma më pesimistë ku 33 % prej tyre kanë thënë se ata nuk do shohin kurrë një Botëror të fituar nga kombëtarja e tyre sa të jenë gjallë. Ndoshta kjo pritshmëri u lët mund të ndikojë për mirë te skuadra e Southgate që nuk do ketë presionin e zakonshëm të tifozëve anglezë që nga ekipi i tyre gjithmonë presin më të mirën.
