- Regjistruar më
- Mars 17, 2021
- Mesazhe
- 36,458
- Pëlqime
- 26,608
Dashuria nuk është vetëm fjalë, pretendime apo propagandë që bëhet ndaj të tjerëve. Dashuria është ndjesi, apo ndjenja të fuqishme dhe të rrënjosura thellë në zemër. Ndjenja këto që, kur janë të sinqerta, reflektojnë në pamje dhe shenja të ndryshme tek të tjerët. E prej më të rëndësishmeve janë:
1- Malli
Sa më shumë që të shtohet dashuria aq më shumë shtohet edhe malli për njëri-tjetrin.
Prandaj, ka disa njerëz që i do por nuk ndjenë mall për ta edhe pse ndoshta nuk i ke parë me vite përderisa ka të tjerë që mjafton të jesh larg tyre për disa çaste apo orë dhe të ndjesh mungesën e tyre dhe të kesh mall për ta.
2- Përkujtimi
Sa më shumë që të shtohet dashuria aq më shumë shtohet përkujtimi.
A e keni parë që kur njeriu do diçka, ai gjatë tërë kohës bisedon rreth saj. Prandaj, kur dikush i do veturat ai gjatë tërë kohës bisedon vetëm rreth tyre.
3- Dëshira për ta takuar
Njeriu çdoherë ka dëshirë që të qëndrojë me atë që e donë dhe assesi nuk dëshiron që ndokush t'ia ndërpresë takimin me të.
Ai/Ajo, çdoherë dëshiron që takimet me njerëzit e zemrës të jenë të paskajshme, të pafundme dhe assesi të mos pengohen nga të tjerët. E kjo ngase njeriu aty e gjen qetësinë dhe lumturinë e tij/saj.
4- Të kënaqurit e të dashurit
I/E dashuri/a çdoherë kujdeset që të mos e hidhërojë apo lëndojë të dashurin/en e tij/saj.
Prandaj, ai/ajo çdoherë mundohet që të përmbushë dëshirat, aspiratat dhe ndjenjat e të dashurit/es të tij/saj duke u munduar që ta bëjë të lumtur atë. E sa më shumë që të shtohet dashuria, atëherë njeriu mundohet që edhe fjalët dhe veprimet e tija t'i koordinojë me ndjenjat e të dashurit/es së tij/saj.
5- Kujton çdo gjë që ia kujton të dashurin/en
Mexhun el-Lelja (Kajs ibn el-Meluh) thotë;
Eci nëpër vende, vendet e Lejlas
Prek ato mure dhe ato gurë
E nuk është dashuria e vendit që më ka kapluar zemrën
Por është dashuria e asaj që jetoj aty pari.
I/E dashuri/a, çdoherë ushqen ndjenjat e dashurisë së tij/saj me atë që ia përkujton të dashurin/en.
6- Fanatizmi dhe xhelozia
I/E dashuri/a është fanatik/e ndaj të dashurit/ës së tij/saj dhe çdoherë kujdeset që të mos shqetësohet nga të tjerët. E kur kjo ndodhë atëherë ai/ajo edhe vetë hidhërohet.
7- Përultësia
I/E dashuri/a nga dashuria e madhe që ka ndaj tjetrit/ës dhe duke u munduar që të mos e lëndojë dhe të mos e hidhërojë ai/ajo përulet para tij/saj dhe mundohet që atë çdoherë ta mbajë në pozitë më të lartë se veten e tij/saj. Edhe nëse ai/ajo vetë janë në pozitë shumë më të lartë se i/e dashuri/ e tij/saj.
8- Përmbushja e premtimeve
I/E dashuri/a nuk zhgënjenë në premtimet karshi tjetrit/ës dhe tërë këtë e bënë nga frika se mos lëndohet.
9- Koha kalon
Kur njeriu është me atë që e do nuk ka ndjesi për kohën andaj kalojnë çaste, orë e ditë të tëra duke mos e ndjerë fare. Ata nuk ndjehen të lodhur e as të mërzitur nga njëri tjetri.
10- Lumturia
Kur njeriu është me personin që e do ai ndjenë lumturi të paskajshme dhe të pafundme. Lumturi kjo që mbush tërë qenien e tij dhe shpirtin e tij.
Përfundimi
Këto janë disa prej shenjave të dashurisë andaj dërgojeni tek të gjithë ata që i doni dhe ju duan. Sa më shumë që të shtohet dashuria aq më shumë do të shtohen dhe do të forcohen shenjat e dashurisë.
Burimi: /fb
