Kosova humb një pozitë, Shqipëria ngjitet për dy pozita në FIFA

[centos]

Kosova ka rënë për një pozitë në renditjen më të re të FIFA-s, ndonëse nuk ka zhvilluar asnjë ndeshje që nga muaji nëntor.

Tani Kosova zë pozitën e 178-të, me 97 pikë. Ndërkohë, Shqipëria ka fituar dy pozicione dhe tashmë nga vendi i 62-të, klasifikohet në të 60-ën, me 553 pikë.

Kjo ngjitje e kuqezinjve vjen si rrjedhojë e rënies drastike të Haitit, por edhe humbjes së pikëve të Bregut të Fildishtë. Sa u përket renditjes së 10 skuadrave më të mira, nuk ka asnjë ndryshim.

Kryeson Gjermania, e ndjekur me radhë nga Brazili, Portugalia, Argjentina, Belgjika, Spanja, Polonia, Zvicra, Franca dhe Kili.

Edhe në këtë rast mos ndryshimi në top-10-she shpjegohet me mungesën e ndeshjeve të kombëtareve gjatë kësaj periudhe.