- Regjistruar më
- Shkurt 19, 2020
- Mesazhe
- 3,767
- Pëlqime
- 3,898
Parlamenti grek me shumicë votash ka miratuar projekt-ligjin për zgjerim me 12 milje në detin Jon. 284 deputetë votuan pro projekt-ligjit që tashmë i jep Greqisë 13 mijë metra katrorë territor më shumë, ose një zgjerim me rreth 10% të totalit që ka.
Pikërisht, zgjerimi i ujërave detare në Jon bashkoi dy partitë më me peshë në Greqi, Demokracinë e Re që përbën mazhorancën dhe Syriza e opozitës drejtuar nga Tsipras dhe thuajse gjithë deputetët që ndodhen në parlamentin grek, pasi nga 300 vende, 284 ishin vota pro.
Mitsotakis nga salla e Parlamentit gjatë debatit tha se kanë dyfishuar ujërat territoriale dhe theksoi se tashmë janë “zotër” të Jonit, pasi dominojnë.
“Në fillim të 2021 ne ndërmarrim një hap të madh pas vendimit për zgjerimin me 12 milje, është dominimi i detit Jon”, tha kryeministri grek.
Ky është vetëm hapi i parë i Greqisë, pasi tashmë mbetet çështja e zgjerimit të ujërave territoriale me Shqipërinë që do të zgjidhet me një dakordësi paraprake për ta çuar çështjen në një Gjykatë Ndërkombëtare.
Por, vetëm pak orë më vonë, Ministria e Jashtme turke lëshoi një deklaratë pas shtrirjes së ujërave territoriale greke në 12 milje detare në Detin Jon duke theksuar se “ky veprim përfundon në jug të Peloponezit dhe nuk prek aspak Egjeun”.
Zëdhënësi i Ministrisë së Jashtme turke Hami Aksoy iu referua kundërshtimeve të Ankarasë për zgjerimin e ujërave territoriale në Egje. “Vendi ynë ka të drejta dhe interesa jetësore në Detin Egje.
Ne jemi të vetëdijshëm për pozicionin që ujërat territoriale të këtij deti nuk duhet të zgjerohen në mënyrë të njëanshme. Nuk ka asnjë ndryshim në qëndrimin tonë” theksoi ai.
Deklaratat e përfaqësuesit turk vijnë vetëm disa ditë para rifillimit të kontakteve midis Greqisë dhe Turqisë, të hënën e ardhshme.
Sot kryeministri grek Kyriakos Mitsotakis tha se pas zgjerimit të ujërave territoriale në Jon në 12 milje, vendi mund të bëjë të njëjtën gjë në Kretë dhe gjetkë.
